آسٹریلیا نے سنسنی خیز مقابلے کے بعد انگلینڈ کو پہلے ٹیسٹ میچ میں شکست دیدی

آسٹریلیا نے ایشز سیریز کے پہلے ٹیسٹ میچ میں سنسنی خیز مقابلے کے بعد انگلینڈ کو 2 وکٹوں سے شکست دیدی۔

میچ کے آخری دن آسٹریلوی بلے بازوں نے انگلینڈ کی نپی تلی بائولنگ کا دلیری سے سامنا کیا ۔

آسٹریلیا نے 282 رنز کا ہدف 8 وکٹوں کے نقصان پر حاصل کرلیا۔پیٹ کمنز اور نیتھن لائنزنے ٹیم کی کامیابی میں اہم کردار ادا کیا ۔

یاد رہے انگلینڈ نے پہلی اننگز 393رن پر ڈیکلیئر کردی تھی ،آسٹریلیا کی ٹیم پہلی اننگز میں 386رن بنا کر آوٹ ہوئی۔

انگلینڈ کی ٹیم دوسری اننگز میں 273رن بنا کر آوٹ ہوئی،انگلینڈ نے آسٹریلیا کو جیت کیلئے 282رن کا ہدف دیا تھا۔

آسٹریلیا کو 5 میچوں کی سیریز میں ایک صفر کی برتری حاصل ہوگئی ہے ۔

دونوں ٹیموں کے درمیان دوسرا ٹیسٹ میچ 28 جون سے لارڈز میں شروع ہوگا۔

یاد رہے کہ آسٹریلیا ٹیسٹ چیمپئن بھی ہے ، فائنل میں انہوں نے بھارت کو شکست دیکر یہ ٹائٹل جیتا تھا۔

Scroll to Top