ایکسائز پولیس نے بابر اعظم کو روک لیا

لاہور ایکسائز نے بغیر نمبر اور ٹیکس ڈیفالٹرز گاڑیوں کے خلاف جاری آپریشن میں قومی کپتان بابر اعظم کو نادہندہ سمجھ کر روک لیا، چیک کرنے پر ٹوکن ٹیکس دہندہ نکلے۔

محکمہ ایکسائز پنجاب کی جانب سے نادہندہ گان کے خلاف صوبہ بھر میں آپریشن جاری ہے،لاہور کی ٹیم نے لبرٹی چوک پر گاڑیوں کی چیکنگ میں مصروف تھی کہ کپتان بابر اعظم کی گاڑی کو ٹوکن ٹیکس بارے چیک کیا گیا،ایکسائز ڈائریکٹر محمد آصف کے مطابق بابر اعظم نے ٹوکن نادہندہ کے خلاف آپریشن پر ایکسائز ٹیم کو سراہا۔

چیک کرنے پر معلوم ہوا کہ بابر اعظم کی گاڑی کا ٹوکن ٹیکس ادا ہے،ایکسائز ٹیم نے بابر اعظم کی جانب سے تعاون پر شکریہ ادا کیا اور سیلفیاں بھی بنائیں۔

Scroll to Top