بینکنگ ٹرانزیکشنز اور رقم نکلوانے پر دوبارہ ٹیکس لگانے کی تیاریاں

 وفاقی حکومت کے ٹیکس کمیشن نے آئندہ مالی سال کے بجٹ میں بینکنگ ٹرانزیکشنز اور رقم نکلوانے پر ’وِد ہولڈنگ ٹیکس‘ دوبارہ لاگو کرنے کی تجویز دے دی۔

انگریزی اخبار ایکسپریس ٹربیون نے اپنی رپورٹ میں حکومتی ذرائع کے حوالے سے بتایا ہے کہ ایف بی آر بھی سنجیدگی سے غور کر رہا تھا کہ بینکنگ ٹرانزیکشنز، بینکنگ انسٹرومنٹس اور بینک سے رقم نکلوانے پر 0.6فیصد ٹیکس دوبارہ لاگو کرنے کی تجویز دے دی جائے۔اگر یہ تجویز منظور ہو جاتی ہے تو اس کا نفاذ آئندہ ماہ جولائی سے ہو گا۔

آر آر ایم سی کی طرف سے تیار کردہ رپورٹ میں کہا گیا ہے کہ ایئرپورٹس پر بیرون ملک سفر کرنے والے افراد کو ڈالرز میں کیش دینے کے علاوہ غیرملکی کرنسی کی تمام ٹرانزیکشنز بینکاری نظام کے ذریعے ہونی چاہئیں۔

یاد رہے کہ مالی سال 2023-24 کا وفاقی بجٹ اگلے ماہ جون میں پیش کیا جانا ہے ۔

Scroll to Top