ہال پہنچنے پر دولہے پر ڈالرز اور پاؤنڈز کی بارش

پاکستان میں ہونے والی انوکھی شادی جہاں برطانیہ سے آیا دولہا، دلہن کو لینے ہیلی کاپٹر پر شادی ہال پہنچ گیا۔

جہلم کی تحصیل سوہاوہ میں ہونے والے اس شادی کی انوکھی بات یہ ہے کہ دولہے کے رشتہ داروں نے پاکستانی کرنسی کی جگہ دولہے پر ڈالرز اور پاؤنڈز کی برسات کردی۔ دولہے کو شادی ہال پہنچانے سے پہلے ہیلی کاپٹر پر پورے شہر کا چکر بھی لگوایا گیا۔

شادی ہال پہنچتے ہی ہیلی کاپٹر سے امریکی ڈالر اور پاؤنڈز اُڑائے گئے جسے سمیٹنے کے لیے عوام کی بڑی تعداد پہنچ گئی۔ ذرائع کے مطابق سوہاوہ میں ہونے والی اس انوکھی شادی میں کروڑوں روپے کا خرچہ کیا گیا۔

صرف یہی نہیں شادی ہال پہنچتے ہی رشتہ داروں نے دولہے کو لاکھوں روپے مالیت کا ڈالرز سے لدا ہار بھی پہنایا۔ تقریب ختم ہونے کے بعد بارات ہیلی کاپٹر پر ہی واپس روانہ ہوئی۔

Scroll to Top